Kva er internasjonalisering?
Internasjonalisering vil seie at bedrifta utvidar aktiviteten slik at forretningsdrifta går føre seg i fleire land enn berre det landet som bedrifta opphavleg starta opp i.
Kva for nokre av desse er rett svar? Bedrifter internasjonaliserer fordi:
Heimemarknaden blir for liten
Bedrifta er glad i risiko
Kundane er for vanskelege i heimlandet
Lokaliseringsfordelar
Skalaeffektar
Det er betre å produsere litt i eit anna land enn mykje i heimlandet
Rette svar er:
Heimemarknaden blir for liten
Lokaliseringsfordelar
Skalaeffektar
Kva for tre val må ei bedrift som skal internasjonalisere, ta?
Kvar bedrifta skal internasjonalisere til.
Korleis bedrifta skal internasjonalisere, dvs. kva metode ho skal bruke.
Når bedrifta skal internasjonalisere.
Kva er:
Transportkostnader
Transportrisiko
Kulturell distanse
Institusjonell distanse
Transportkostnader er kostnadene ved å transporter eit fysisk produkt frå produksjonsstaden til salsstaden.
Transportrisiko er risikoen ved å transportere eit fysisk produkt frå produksjonsstaden til salsstaden, til dømes kan produktet bli skadd, stole eller mista.
Kulturell distanse er graden av ulikskap mellom kulturar i ulike land.
Institusjonell distanse er graden av ulikskap mellom institusjonar i ulike land. Døme på institusjonar kan vere rettssystem, tollmyndigheiter osv.
Kva er ikkje metodar for å internasjonalisere?
Eksport
Langtransport med trailer
Utanlandske direkteinvesteringar
Innanlandske dotterselskap
Samarbeid og joint ventures
Shortsal og opsjonar
ClosedLock-fabrikkar
Dette er ikkje metodar for internasjonalisering:
Langtransport med trailer
Innanlandske dotterselskap
Shortsal og opsjonar
ClosedLock-fabrikkar
Kva er ikkje årsaker til internasjonalisering?
Høvet til å oppleve andre delar av verda
Tilgang til avanserte og krevjande kundar
Heimemarknaden veks for fort
Ønske om tilgang til ein større marknad
Lokaliseringsfordelar
Skape eller delta i globale produksjonsnettverk
Heimemarknaden blir for liten
Høvet til å produsere i land med svakare regelverk mot forureining
Utnytting av skalaeffektar
Dette er ikkje årsaker til internasjonalisering:
Høvet til å oppleve andre delar av verda
Heimemarknaden veks for fort
Høvet til å produsere i land med svakare regelverk mot forureining
Forklar kva ein first-mover-strategi er, og når denne strategien blir brukt.
First-mover-strategi er å vere den første som kjem med eit nytt produkt på marknaden. Strategien blir brukt når bedrifta har eit stort forsprang på konkurrentane slik at ho kan tene inn att utviklingskostnadene raskt og nytte perioden inntil konkurrentane kjem med tilsvarande produkt, til å sikre seg bedrifta sin del av verdiskapinga.
Kva trinn består den praktiske framgangsmåten ved val av internasjonale marknader av?
Identifisere aktuelle regionar eller land
Rangering av land
Nøye vurdering av aktuelle land
Val av land
Personleg erfaring frå det valde landet
Kva er outsourcing?
Outsourcing, eller utkontraktering på norsk, vil seie at ei bedrift vel å kjøpe noko frå ei anna bedrift som ho tidlegare gjorde sjølv. Outsourcing kan gjere det mogleg å oppnå̊ lågare kostnader eller betre kvalitet.
Kva er prisdifferensiering i internasjonale marknader?
I internasjonal marknadsføring vil prisdifferensiering seie å ta den høgast moglege prisen i marknaden i kvart land.