På kva for to måtar kan ei bedrift drive marknadsutvikling?
Finne nye marknader. Det inneber at eit eksisterande produkt blir selt i ein heilt ny marknad, til dømes kan produkt som er utvikla for det offentlege, seinare bli selde til forbrukarmarknaden. Frysetørka mat i porsjonsposar der ein berre set til varmt vatn, vart først utvikla for Forsvaret, men vart seinare også selde i forbrukarmarknaden.
Finne nye segment. Nye måtar å segmentere marknaden på kan opne for marknadsutvikling.
Kva er skilnaden mellom 4P og 7P?
7P er først og fremst utvikla for tenesteproduserande bedrifter, mens 4P gjeld for alle typar bedrifter.
Kva bestemmer korleis marknadsplanen skal utviklast vidare?
Kva for eit strategisk val bedrifta har teke for å vekse. Produktutvikling krev ein annan marknadsplan enn marknadsutvikling.
Kva er ikkje viktige fasar i livssyklusen til eit produkt:
Vekst
Framgang
Introduksjon
Tilbakegang
Oppgang
Framgang og oppgang er ikkje fasar i livssyklusen til eit produkt.
Kva er ikkje ein kategori i BCG-matrisa:
Stjerne
Ku
Rev
Spørsmålsteikn
Hund
Rev er ikkje ein kategori i BCG-matrisa.
Korleis heng val av prisar saman med Ansoffs vekstmatrise?
Marknadsinntrenging: Pris kan vere eit viktig verkemiddel for å få større marknadsinntrenging. Marknadsutvikling: Pris kan nyttast som verkemiddel ved introduksjon av produktet i nye marknader. Produktutvikling: Pris blir nytta ulikt i dei ulike stadia i livssyklusen til eit produkt. Typisk ved introduksjon av eit nytt produkt står valet mellom å skumme fløyten og inntrengingsprisstrategiar. Diversifikasjon: Prising inneber store utfordringar. Men ofte kan inntrengingsprisstrategi vere det beste valet.
Kva er skilnaden på global distribusjonskanal og global verdikjede?
Distribusjonskanal beskriv korleis produktet blir transportert frå produsent til sluttbrukar, mens i verdikjede er design og produksjon hovudfokus.
