EkstraØving 2.3

Optimisten AS er ei nystarta bedrift. Forretningsideen er å utvikle ei elektronisk leksebok til elevar i den vidaregåande skolen der elevane også får jamleg oppdatering på aktuelle arrangement for si aldersgruppe. Bedrifta har vore i drift i tre år og ser at forretningsideen fengjer elevane godt. Boka er mykje brukt i den vidaregåande skolen, særleg på Sørvestlandet. Ho er no under utvikling med sikte på ei nylansering på landsbasis om eitt år.

Oppdrag 1

Di oppgåve er å setje opp eit driftsbudsjett for bedrifta for neste år. Av økonomiansvarleg får du desse dataa om forventningane for neste år basert på driftsbudsjettet for inneverande år, sjå nedanfor:

For neste år forventar økonomisjefen ein auke i selde einingar på 25 % på grunn av ein marknadsføringskampanje. Salsprisen er halden ved lag med kr 75 per eining. Dei variable kostnadene per eining forventar ein skal auke med 20 %. I dei faste kostnadene er det venta ein auke i husleiga med kr 3 000 og ein auke i straumkostnadene med kr 500. Avskrivingane er neste år forventa å bli kr 2 500. Dei andre kostnadene reknar ein med vil vere lik siste års budsjett.

Driftsbudsjett for inneverande år

Merknader til driftsbudsjettet for inneverande år

1. Salsinntekta er pris per eining multiplisert med forventa sal i stk: kr (75 ⋅ 3 000) = kr 225 000
2. Variable kostnader = variable kostnader per eining multiplisert med forventa sal: kr (20 ⋅ 3 000) = kr 60 000.
3. Dekningsbidraget er differansen mellom salsinntekt og variable kostnader
4. Resultat er lik dekningsbidrag minus faste kostnader: kr ( 165 000 – 55 000) = kr 110 000.

Oppdrag 2

Leiinga får nye data om salet etter ein studie som er gjord av marknadsavdelinga. Leiinga ønskjer å teste driftsresultatet for neste år ut frå tre alternativ på salsutviklinga.

1. Optimistisk sal – 4 000 enheter
2. Sannsynleg sal – 3 500 enheter
3. Pessimistisk sal – 2 500 enheter

Oppdrag 3

Leiinga bestemmer seg for å teste fleire variablar for å studere kor følsamt produktet er med omsyn til ei endring i negativ retning for neste år.

1. Prisen på produktet må reduserast med 20 prosent for å vere konkurransedyktig. Alle andre variablar blir haldne konstant som under oppdrag 1.
2. Dei variable kostnadene aukar med 50 %. Alle andre variablar blir haldne konstant.

Oppdrag 4

Leiinga ønskjer å finne ut kor mange bøker dei må selje for å få dekt alle kostnadene. Vidare ønskjer dei å rekne ut dekningsgraden og risikomarginen om dei sel 3 750 einingar som opphavleg forventa for neste driftsår, sjå opplysningane til oppdrag 1.

Oppdrag 5

Usikkerheita i marknaden kjem av at det er komme inn fleire konkurrentar som tilbyr nesten like produkt, men til ein lågare pris. Leiinga ønskjer derfor å teste ut kor lågt dei kan setje prisen mellombels utan å gå med tap, sjå opplysningane til oppdrag 1.

Oppdrag 6

Marknadsavdelinga legg fram materiale som viser at dei fem konkurrentane i marknaden har prisa sine produkt i gjennomsnitt 10 % lågare enn Optimisten AS. Rekn ut kva resultat Optimisten AS kjem ut med dersom dei set ned prisen, kr 75, med 10 % og forventar å selje 3 500 einingar. Dei variable kostnadene per eining er på kr 24.

Oppdrag 7

Gi ei vurdering av å bruke prisen som verkemiddel mot konkurrentar i ein slik marknad.

Oppdrag 8

Leiinga ønskjer å sjå om det er mogleg å rasjonalisere drifta ved å redusere dei variable kostnadene per eining, kr 24, med 10 % og summen av dei faste kostnadene, kr 58 000 med 20 %. På den måten håper dei å ta igjen det dei taper ved å måtte redusere prisen som i oppdrag 6. Denne analysen er gjennomført ut frå den føresetnaden at bedrifta tek same pris som konkurrentane, sjå oppdrag 6, og forventar å selje 3 000 einingar.